Pedar i KUGA

O ciltscha la KUGA-jatar

Veliki Borištof jek gav le burgenlanditike-horvackendar hi. Buteder sar 450 berscha aja austritiki flogoskeri grupn ando Burgenland kher hi – horvacke, ungrike taj nimtschke tschibtschakere dschene ande aja europitiki granicakeri regijona jek le tschule kojendar jeke but schelberschengere duge mirne khetan dschivipestar buteder flogoskere grupnendar. I KUGA – Kulturna zadruga – o interkultureli centrum adala regijonatar hi taj o kultureli taj tschibtschakero mindenfelitiko papal sikal. Amari organisacijakeri forma jek farajn hi. O lek barikaneder farajniskere ciltscha hi:

• Angle ledschipe le but tschibtschakere vakeripestar ando Burgenland
• Organisacija kulturakere mulatintschagendar
• Bulharipe le kulturakere- taj le sikadipeskere dipestar andi regijona
• Angle ledschipe le krejativi keripestar, angle ledschipe la interkultureli komunikacijonatar duach kurstscha, workshops, diskusiji

Aundefintschago adale farajniskere keripeske 1982 butvar o tschulo kulturakero dipe taj o utscho telrosinipe andar i regijona sina. Amen le gaveskere mulipeske taj le tschibtschakere naschajipeske use te dikel na kamahahi. O deficitscha te latscharel, i esbe limi asimilacijona upre te likerel taj i regijona feder te kerel, te akan meg mindig o scheroskere aunpaschlojiptscha la KUGA-jatar hi.

---

I KUGA ojs kulturakero centrum

Flogoskeri muschika taj folkorja, koncertscha usar rock dschi klasischi muschika, geniptscha, kabaret, teateriskere kheliptscha, galarijakero keripe, jazz & mol, tschavengero teateri, o baro linajiskero festivalo „Croatisada“ – o cilo buliphe le kultureli keripestar andi KUGA te lakel hi! Adaj amenge igen barikan upro vodschi paschlol, i burgenlanditiki-horvacki flogoskeri- taj adiveseskeri kultura ande amaro kher dschivdon te kerel taj o duj tschibtschakero vakeripe ando cile thana angle te anel. O baro mulatintschagoskero kher jeka barikana technikaha, buteder sar 500 beschipeskere thana del taj le cile kojenge usar mulatintschage dschi otscha use bare koncertscha hi.

---

I KUGA ojs seminariskero than

Andi KUGA trin seminariskere khera del, save te mulatintschagenge gejng potschintschago lim schaj on. Technikakere koji usar flipchart dschi uso videjoskero-beameri del. Ande pekamle periptscha, schaj te o baro kher la KUGA-jatar ande mindenfelitike bare varijantscha lim on. Taj i KUGA, te diskusiji, anglevakeriptscha taj seminartscha – o pharipeskere punktscha adaj tschuliptschengere tematscha hi, pedagogischi phutschajiptscha taj te o than le regijonali entviklinipestar, tel likerel.

---

I KUGA ojs sikadipeskero than le bare dschenenge

Use amende pasche o cile avre aktivitetscha taj mindig kurstschakere diptscha le bare dschenenge del. La KUGA-jakere – ajgeni kurstscha duach diptscha la VHS-atar taj avre sikadipeskere organisacijendar le bare dschenenge, pherde on. O programo dschal usar tschibtschakere kurstscha pedar schpurtakere kurstscha, khelipeskere kurstscha usar afro- dschi schtandart, yoga, teschtoskere terdschijiptscha, dajengere taj dadengere sikadipeskere mulatintschage taj sastipeskere tematscha dschi otscha uso feschtinipe, muschika taj teateri – o koji bulhe hintim hi, ojs trin pharipeskere punktscha muken pumen o tschibtscha – o sastipe – i krejativiteta te akarel.

---

I KUGA le tschavenge taj ternenge