2001: Produkcijona le duj tschibtschakere musicalistar „Lysistrate“
Ando besch 2000 kertscham – pomoschagoha andar koji la EU-jatar – i produkcijona jeke duj tschibtschakere musicalistar ternenca. O lek buteder lendar imar angloda dschene le KUGA-jakere-tschavengere choristar sina taj sajt harni cajt ande amari ternengeri-dschilavipeskeri grupn „da capo“ aktivi. On imar uso angloda kerde produkcijontscha tschavenca use sina taj hatek te adaj „bajder te kerel“ kamnahi.
Kaj o lek buteder dschuvlikane sina, iste jek falato laklo ulo, savo pasinlahi. I historija andar Lysistrate, savi le dschuvlen andar Athen uso na keripe upre vrischtschanel, kaj o haburi gejng Sparta kisetim te ol, adaj dija pe. Te le murschane falatenge latsche khelaschtscha lakle ule taj akor, hatek te „o phure“ (pedar 30) use te ol kamnahi.
Adala produkcijonaha, duach o EU-jakero pomoschago dromeske uso sorbischi tschulipe andi Germanija taj uso slovenitike ande Kärnten, schaj gejam. Amaro koncepto le duj tschibtschakere dschanipestar, adaj interesijiha taj vodschikan upre lim ulo. Ojs palal keripeskero koja, patijardo lo ulo.
Te le burgenlanditike horvackenge, save Betschiste dschin, jek khelipe schaj organisirintscham. Vojaschne usedikaschtscha o schajipe jeke avre khelipeske ande Linz dine.
Le terne usedikajaschtschenge taj hatek barikano te le ternenge, save adaj use sina, i produkcijona jek utscho identifikacijonakero vert ando dikipe upre lengeri (tschuliptschengeri-) dajakeri tschib dija.
O usedschajipe le ternendar usi horvacki tschib taj uso tschibtschakero dschanipe duach o khetano projekto pedar buteder masektscha, angle tradim ulo. I horvacki tschib ojs jerimo krejativi medijum te terdschil, hatek o terdschojipe adala tschuliptschengera tschibtschatar uso terne feder kertscha – paloda jek soraljaripe la identitetatar le terne horvacke tschibtschakere vakeraschtschendar ojs dscheno la horvacka flogoskera grupntar del. O tschak nimtschke tschibtschakere terne vakeraschtscha, i horvacki tschib ande jek vodschikano than te prindscharel sikline. Te adaj o latscho usedschajipe usi burgenlanditiki horvacki flogoskeri grupn, angle tradim ulo.
Pomoschago andar o koji le tschuliptschengere pomoschagostar le BKA-jistar taj la Europitika Unijonatar.
Alle Projekte