2002: CD-produkcijona „Dičji trubadur – tschavengero dschilengero keraschi Bernhard Fibich … i po našu“
O KUGA-jakero-tschavengero chor ando dschend 2001/2002 jek CD dschilenca le andi cili Austrija prindscharde taj kamle tschavengere dschilengere keraschistar Bernhard Fibich kertscha. Adaj o lek barikaneder Fibich-dschila la magisterkijatar Jelka Zeichmann-Kocsis ande duj tschibtscha vaj tschak andi horvacki tschib, prik lim ule. O tschijipscha kertscha o Feri Fellinger.
Te adaj papal horvacke tschibtschakere taj tschak nimtschke tschibtschakere tschave khetan telal o duj tschibtschakero vodinipe dschilan. O cile, hatek o duj tschibtscha and bescharen, kekaj but lendar nisaj horvacke vurclini hi.
Teldikiptscha taj aunastaripeskere darja gejng i horvacki tschib naschi dschan ande ada khelipeskero-krejativi than. O tschak nimtschke tschibtschakere tschave maschkar o but duj tschibtschakere kerde probalintschage jek khelipeskero usedschajipe usi horvacki tschib laken. Le horvacke tschibtschakere tschavenge o tschavengero chor taj adaj igen barikano i CD-produkcijona, jek latscho terdschijipe la horvacka tschibtschatar ojs glajchi medijum pedar i familija taj i gaveskeri struktura ari, hi. Adala terdschijiptscha jek soraljaripe la ajgeni identitetatar ojs dschene la horvacka flogoskera grupnatar anen.
Ando terno linaj 2002 i CD ande jek khetano koncerto le Bernhard Fibichiha presentirim uli.
I CD barikano uprelipe lakla. Paloda i CD pal harni cajt buter na delahi, jek 2to uprepaschlojipe le pomoschagoha le Horvacke Kulturakere- taj Dokumentacijonakere Centrumistar, ar dim uli.
Alle Projekte