2003: Boschitschano khelipe „O tschatscho drom Bethlehemate“
Andar o KUGA-jakero-tschavengero chor ando bersch 2003 jek grupn valami 25 tschavender taj ternendar ari ali, savi o duj tschibtschakero boschitschano khelipe „O tschatscho drom Bethlehemate“ Božićna igra „Pravi put u Betlehem“ siklija. Afka but tikne duj tschibtschakere endscheltscha andi KUGA urtschanahi – o lek terneder tschave taj tschaja hatek 5 berscha phurane sina!
O originali tekst la profesorkijatar Rita Kiss hi, ov la magisterkijatar Jelka Zeichmann-Kocsis taj le magisteristar Gesa Buzanich ande duj tschibtscha prik lim ulo. I muschika al le prindscharde burgenlanditike komponistostar profesori Stefan Kocsis. I produkcijona ando khetan butschalinipe le orchesteriha la muschikakera ischkolatar Uprutni Pulja telal o vodinipe le magisteristar Martin Kocsis kerdi uli.
Pedar o muschikakero-krejativi andbescharipe la horvacka tschibtschatar, adale projektoha o tschibtschakero dschanipe le dajakere tschibtschengere tschavendar, pomoschago te uschidel. I tschuliptschengeri tschib ojs komunikacijonakero koja avral le gaveskere taj familijakere khetanipestar dschivdon kerdo te ol.
Duach amari duj tschibtschakeri metoda te tschak nimtschka tschibtschakere tschave nisaj problemtschenca use schaj gele. On ando khelipe jek latscho usedschajipe usi tschib taj i kultura le burgenlanditike hovackendar jerinde, toleranca entviklinde taj o darja le „na-hajojipestar“ naschade. Taj afka, on te pasche ando khelipe poar akariptscha la horvacka tschibtschatar sikline. Te regijonali nimtschke dijalektscha taj avre tschibtscha, andi buti ande fojinde.
Ando khetan butschalinipe le HKDC-iha te jek CD use ada falato kerdi uli. Use sina papal o tschave le tschavengere choristar, use ojs vakeraschkiji „agune“ dschene le tschavengere choristar/ taj la ternengera dschilajipeskera grupnatar la KUGA-jatar. O orchesteriskero falato muschikaschtschendar taj muschikaschkijendar cidim ulo.
Ada projekto, i pantschti duj tschibtschakeri muschikakeri teateriskeri produkcijona taj i triti CD-produkcijona la KUGA-jatar le tschavenca taj ternenca sina.
Alle Projekte