KUGA-JAKERI AJGENI PRODUKCIJONA: Scenischi genipe muschikaha HANNA TAJ KÄTHE
Duj burgenlanditike horvackiji ando viderschtaund
Projektoskero vodinipe: Joško Vlasich taj Peter Wagner
„Ada nan te pobisterel, ada na dschanav schoha na te pobisterel. Me na dschanav le. Te tu o atscha use kertschal taj and sojs, imar ando logeri sal. Ada, jek le lek phareder kojendar hi, save tuha iste ledsches. Te naschel … te pomoschinel … korkore te naschel … ada brigaschno sina. Me na dschanav buter mri kenva te genel, me adaj beschav taj genav … ada mro dschivpe hi, taj ada mange akan brigaschno hi. Akan, te me akan gentschom, sar mro dschivipe sina, na agun, kada me le dschivtschom – odoj nana man cajt, palal te gondolinel. Erscht idsch phentschom mange, adaj, odoj hi mri kenva, ham me mukav la. Mint te me i kenva gentschom, akor o logeri asaj pasche hi mange, kaj me o arte ratscha na buteder sar jek dschi duj ori sojav. Taj ada, o lek bibastaleder le cile kojastar hi … taj adaleske na del nisaj draba. Nisaj draba.“
(Falato andar o vakeripe la Hanna Sturmaha)
Te ando Burgenland, tschulo ham, politischi viderschtaund gejng o naci-reschim dija. Andi erschti rik sina adaj duj burgenlanditike horvackiji, save lengero kejmpfinipe gejng o teror le nacijonalsocijalistschendar na tschak bare taj sorale andbescharipeha vodinde, hatek ham te le astaripeha, bibastale maripeha taj jeke barikane prik dschivipeskere kejmpfinipeha ando logeri potschinde
Kada pe i phureder le dujendar, Hanna Sturm, savi 1891 upro them ali, pal jek brigaschno tschavoripe ande Klingenbach imar ando erschti deschberschengero le bischte schelberschengerostar le socijali gondoske prik dija, ojs butjakeri vodaschkija gejng bibastale firmtscha dschi otscha usi organisacija le butjakere teltschijiptschendar kejmpfintscha taj hatek o cile schov berscha le dujte themeskere haburistar ando logeri sina, i 1926 upro them ali taj andar Schuscheva ali Käthe Sasso, na sohardi Smudits, meg jek tikni tschaj sina, kada o naci andi Austrija ande phirde. Ojs dscheno la ando viderschtaund butschalima „Grupnatar Gustav Adolf Neustadtl“, 16 berschenca Betschiste and tschapim, o bibastalo maripe le bibastale dschenendar upro ajgeni teschto taj o sako diveseskero murdaripe pajtaschtschendar taj pajtaschkijendar, terdschivtscha.
Ando logeri – Ravensbrück akor la phureder Hanna Sturm te prindscharel siklini, savaha oj andi horvacki tschib vakerlahi taj jek pajtaschtschago, saj dur on dschivnahi, likerlahi. So duj dschuvla o teror prik dschivde. I Hanna Sturm lakere palgondoliptscha andi kenva „Die Lebensgeschichte einer Arbeiterin: vom Burgenland nach Ravensbrück“ – „I dschivipeskeri historija jeka butschaschkijatar: usar o Burgenland ande Ravensbrück“ tel pisintscha, kada i Käthe Sasso ando prik dschivdengero programo ando enjavardeschte berscha igen but mulatintschage taj anglevakeriptscha dschi adi, kertscha. Le mulatintschagoske „Hanna taj Käthe“ jek buteder sar duj orengero vakeripe la akan imar 92-berschengeraha upre lim ulo.
Andar ada materijal taj andar avre materijaltscha pedar i Käthe Sasso taj andar o materijal la kenvatar le andi horvacki tschib kerde vakeripestar le Franjo Baueristar la Hanna Sturmaha, o Joško Vlasich taj o Peter Wagner jek phukajipe pedar o duj barikane dschuvla kerde, filmischi, muschikano taj vakerdo, sa upre butschalinde, i karika pedar jek latschi schelberschengeri cajtakeri historija paschlardi.
Muschika: Marco Blascetta, Justin Kodnar, Nikola Zeichmann
Genaschtscha: Claudia Fellinger, Andrea Kerstinger, Konstantin Vlasich, Joško Vlasich
Rescherscha, presentacijonakeri anglutni buti, dramturgija: Joško Vlasich, Peter Wagner
Live-technik: Valentin Reumann, Kristijan Karall
Kamera vakeripe Käthe Sasso taj live performance: Thomas Eitel
Hangoskero uprelipe live vakeripe Käthe Sasso: Valentin Reumann
Vakeripe Hanna Sturm andar o bersch 1980/81: Franjo Bauer
Tschinipe: Hannah Glockenspiel
DVD-akero andterdschojipe: Max Leimstättner
Cover-layout: RABOLD UND CO.
Reschi: Peter Wagner
Barikano palikeripe: Franjo Bauer, Elisabeth Brandner, Dokumentacijonakero archiv le Austritike Widerschtaundistar-DÖW, ORF Burgenland-Horvacki redakcijona, Promedia-falog, RTV Zagreb – Jasminka Domaš
Wiederaufnahme 2024
DVD Produktion und Aufführung 2018
Alle Projekte